Bae sonde Bae

Satu kali ju, Yesus turun pi kota Kapernaum di dano Galilea pung pinggir. Tiap hari sambayang Dia ajar orang dong dalam ruma sambayang. Orang dong taheran-heran dengar Dia pung bicara, te Dia tau batul itu ajaran pung isi. Waktu Yesus ada mangajar di itu ruma sambayang, ada satu orang yang takaná setan mulai batarea ukur kuat pung, bilang, “Woi! Yesus, orang Nasaret! Lu pung urusan apa deng botong ko! Lu datang ko mau bekin ancor sang batong, ko? Botong kanál sang Lu. Lu ni, Orang Barisi, yang dolo Tuhan Allah janji ko mau kirim datang. ”

Ma Yesus masparak sang dia bilang, “Tutu lu pung mulu! Kaluar dari itu orang ! ” Takuju sa, itu setan angka banting itu orang di lante di orang pung tenga-tenga. Banting abis, ju itu setan kaluar kasi tenga itu orang, deng sonde bekin saki sang dia. Orangdong samua tanganga, bilang, “ Heran, é ! Ini Orang pung omong tu, ada kuasa hebat ! Sampe-same setan dong ju iko Dia pung parenta ko kaluar dari orang ! “ Ais dong pi kuliling di itu daera, ko kasi tau samua orang so’al Yesus.

Lukas 4:31-37